Maxfiylik siyosati

Bu sahifa Muhiddin Turonov sayti orqali yuborilgan ma’lumotlar bilan qanday ishlashimizni tushuntiradi.

Qanday ma’lumot yig‘amiz

Faqat loyiha so‘rovi formasida o‘zingiz yozgan ma’lumotlarni: ism, kompaniya nomi, aloqa ma’lumotlari (Telegram, telefon yoki email), loyiha tavsifi, taxminiy muddat va budjet. Spam va suiste’molning oldini olish uchun IP manzilingizning qaytarib bo‘lmaydigan xeshi (shifrlangan izi) ham saqlanadi.

Nima uchun ishlatamiz

• So‘rovingizga javob berish va loyiha bo‘yicha siz bilan bog‘lanish uchun.
• Saytni spam va avtomatik hujumlardan himoya qilish uchun.

Ma’lumotlaringizni sotmaymiz va reklama maqsadida uchinchi shaxslarga bermaymiz.

Ma’lumot qayerga boradi

So‘rov saytning ma’lumotlar bazasida saqlanadi. Tezroq javob berish uchun uning nusxasi bizning Telegram chatimizga va/yoki email manzilimizga yuborilishi mumkin. Bu xizmatlar ma’lumotni o‘z maxfiylik siyosatlariga muvofiq qayta ishlaydi.

Cookie va statistika

Sayt reklama yoki kuzatuv cookie’laridan foydalanmaydi. Faqat formani xavfsiz yuborish uchun zarur texnik cookie (CSRF) ishlatiladi. Agar tashrif statistikasi yoqilgan bo‘lsa, u cookie’siz, shaxsni aniqlamaydigan usulda ishlaydi.

Qancha muddat saqlaymiz

So‘rov ma’lumotlari hamkorlik muhokamasi uchun kerak bo‘lgan muddat davomida saqlanadi. Ularni o‘chirishni istasangiz, bizga yozing.

Sizning huquqlaringiz

Saqlangan ma’lumotlaringizni ko‘rish, tuzatish yoki o‘chirishni so‘rashingiz mumkin.